Qazaqstannyń Ýkraınadaǵy elshiligin tolyq kóshirý josparda joq. Elshilik ýaqytsha Polshanyń astanasyna aýystyrylǵan. Bul týraly Syrtqy ister mınıstri Muhtar Tileýberdi habarlady. 

Mınıstrdiń aıtýynsha, Ýkraınada 200-ge jýyq Qazaqstan azamaty bar. 

"Ýkraınadaǵy qazirgi jaǵdaıdy bilesizder. Biz dıplomattarymyzdyń ómirin qaterge tige almaımyz. Sondyqtan qazir olardy kóshirý máselesin oılastyryp jatyrmyz. Al Kıevte konsýlymyz qaldy, ol bizdiń azamattarymyzdy qabyldap júr. Evakýasıaıaǵa qatysty kómek suraıtyndar bar. Sol sebepti, elshilikti ýaqytsha jabý nemese tolyq kóshirýge bolmaıdy", dedi mınıstr.

Mınıstr Ýkraınadaǵy Qazaqstan azamattaryn Polsha men Moldova arqyly evakýasıalaýǵa múmkindik bar ekenin jettkizdi.